KOMPASSENDRING

 Stadig

 stiller eg

 kompasset

 og

stadig

kjenner

eg

ikkje

kursen.

KOKONG

Redd for å røpa meg

stenger eg meg inne med hudlausa mi.

I dag har eg inga rustning

mot andre menneske,

men spinn ein kokong

av blå nervetrådar,

uro og spørsmål kring meg sjølv.

Ei skorpe over såret,

ei nødvendig forpupningstid,

for å kunne kava seg ut frå hylsteret

og flagra ut i ein ny,

men, å, så kort trekkfull sommar.

Det er ikkje motet som ber,

det er gleda.

BRODERIAR.

Hodeputa mi har gamle broderiar

og tynt ty.

Eg vaskar det varsamt og stryk det på vranga,

det har eg lært av mor mi.

Ho seier eg må spare det,

kvinner gjer ikkje slikt meir.

Ei tid for broderiar og

ei tid for å sova på dei.

Kan hende er draumane våre like?

Som når våren kjem

uventa i mars.

Tøver og varme vindar.

Eit lyfta andlet mot lyset

syg varmen.

Gløymer kor lunefull han kan vera.

Isen tiner,

brøytekantane minkar

og vinteren flyt bort.

Bilde. "Rød akt" Akryl

Langt ute

såg eg jorda kvelva seg

og skjøna at vi budde

på ein klode.

I dag er det St. Valentinsdag.

Hadde du vore her, kunne eg ha flørta med deg.

Men du er ikkje det og det er kanskje best.

Draumar skal ein vera varsame med,

ikkje prøva dei ut for fort,

men venta og sjå om dei held.

I mellomtida er det mykje å gle seg over i verdi.

Glødande tankar som varmar på ein frostkald februardag,

raude solnedgangar over gamle fjordar

og Johan Olav Koss som tok gull og

sette verdsrekord på 5000 m,

6 34.96

-det utenkjelege.

(Johan Olav Koss tok gull og sette verdsrekord på Hamar 13. februar 1994) 

 Bildet "Neon" - Akryl og neon

Brått kjenner eg at eg lever

intens, glødande, nært.

Oppdager dagen ikring,

men kjenner også redsla i magen,

berre fordi du har ringt.

Godt at eg ikkje var heime,

så kan eg betre ta vare på adventtida.



Bilde: "Lita"

Gul eksplosjon i solar plexus
Solsikkebølger på dei ytterste nakne skjær

Hurrarop i gatene inn mot hovedstaden

Fyrverkeri som sprenges

Løftes og flyt stille på ørnevinger.

Hei tre!

Hei vind!

Hei dag!

Hei liv!

BLAFF!

Bilde: "Hoppende glad"

Eigentleg handlar det ikkje om stort,

men blada fell

Tida lura seg framom

og hanen gjel

Før du veit det er morgon

kjem det ein kveld




Bilde:  "Høst" Monotypi

Sommaren

Sommaren er

Sommaren er ikkje

Sommaren er ikkje over

Sommaren er ikkje over ennå.

 

Bilde: "Rød akt" Akryl

Grågåsa flyg mot sør
Høgt over meg plogar ho mot sør,
pløyer tida som flo og fjære.
Dei sa at sommaren i nord var fin i år.
Her var det mest regn.
No pløyar ho mot sør grågåsa
Over åkrar som står gule av korn
og over menneske som står nede på jorda og fylger ho med blikket.
Ho dreg tidleg i år.
Eg har og kjent eit haustdrag i lufta,
så er det vel rett.


Bilde: "Grågåsa" Akryl