Pressemelding 17.juli 2009:

RiO – Restaureringssenteret i Odda AS – er stifta!
Fleire firma har i kulturminneåret 2009 gått saman om å etablere Restaureringssenteret i Odda AS – forkorta RiO AS. RiO AS vil om kort tid vere registrert i Brønnøysundregisteret. Stiftarane er:

Malermester Meusburger AS
Hardager Glass og Lås AS
Vebenstad Elektro
Røyrleggjar Geir Sekse
Arkitekt Gro Lavold
Norsk Vasskraft- og Industristadmuseum (NVIM)

Styreleiar er malermeister Tor Meusburger og prosjektleiar er Terje Kollbotn ved bygg- og anleggsavdelinga ved NVIM. Selskapet har som formål å vere eit kompetansesenter for dokumentasjon, restaurering og gjenbruk av industrielle kulturminne og andre verneverdige bygg og gjenstandar. Selskapet vil drive både rådgjeving, opplæring og praktiske restaureringsoppdrag både i Odda, resten av Hardanger og ellers i Norge. Målet vårt er å bli eit nasjonalt kompetansesenter på dette fagområdet. Dette initiativet spring ut av av Oddaprosessen – Kulturminnevern og verdiskaping – eit firårig nasjonalt prosjekt. Ilag med andre firma og fagfolk har vi i perioden 2000-2007 vore med på restaurering av Norges største teknisk-industrielle kulturminne, Tyssedal kraftanlegg. Frå 2007 har vi saman med Norsk Vasskraft- og Industristadmuseum vore med på drift og vedlikehald av Tysso 1-anlegget og utført nye restaureringsoppdrag. Vi ynskjer gjennom RiO å samordne og vidareutvikle fagkompetansen vår til nytte for offentlege og private oppdragsgjevarar. Vi er igong med å byggje opp eit nettverk med andre firma og fagmiljø både her i Norge og i andre land.

Nettadresse: www.riodda.no
For nærare informasjon, kontakt:
Tor Meusburger,tlf. 95928787, firmapost@meusburger.no
Terje Kollbotn, tlf. 97194073, terje@nvim.no